روسيا وماسك في الفضاء روسيا أعلنت وبشكل رسمي
انها هتنسحب من إدارة محطة
الفضاء الدولية لو المجتمع الدولي
مرفعش العقوبات الاقتصادية عنها
بعد حربها على أوكرانيا..
ده معناه:
1. جزء رئيسي من محطة الفضاء الدولية
ممكن فعليا يقع ف أي لحظة على أي جزء
من العالم، إلا إذا تدخلت أمريكا أو شركة
تانية لادارة وتوجيه محطة الفضاء الدولية
2. على 2030، مصير محطة الفضاء الدولية
هيبقى على المحك وف خطر لان ساعتها
هيبقى موعد خروج المحطة من الخدمة للأبد
ولازم يتم توجيهها لاسقاطها ف محيط بشكل
آمن تجهيزا بقى لاطلاق محطة فضائية بديلة
3. كان فيه اعتماد كبير من جانب شركات عالمية
كتيرة على صواريخ الاطلاق الروسية "سويوز"
وأعتقد ده ف مصلحة شركات خاصة تقيلة
ف السوق ده لمع نجمها مؤخرا زي "سبيس إكس"
4. بالمناسبة،
دميتري روجوزين رئيس برنامج الفضاء الروسي
هدد من كام أسبوع إن لو استمرت العقوبات
الأمريكية على روسيا وامتدت لبرنامجها الفضائي،
فده هيهدد الامن القومي لدول العالم اذا
رفعت روسيا ايديها من قيادة محطة الفضاء الدولية
ووقتها ايلون ماسك قال ان سبيس اكس
مستعدة تتدخل وتسوق المحطة بسهولة
اعتمادا على صواريخها المجهزة "فالكون 9"..
واضح ان عالم الفضاء هيشوف
تغيرات كبيرة الفترة الجاية!
مساكم فُل 😄
Ad Space
Ad Space
ليست هناك تعليقات:
إرسال تعليق