تعالي اجيبلك من الاخر بعد ما تتعلم برمجة هتكسب Money |
تعالي اجيبلك من الاخر بعد ما تتعلم برمجة هتكسب Money ازاي ✅
قبل ما اقولك طرق المكسب هقولك تعمل ايه عشان تبقي مؤهل تكسب ،واغلب الطرق دي عن تجربة ✅
مش هتشتغل بدون الحاجات دي
١- تعمل سيرة ذاتية (CV) محترم
يكون متقسم ل اسمك ايه - وظيفتك - لينكدان بتاعك - الجتهب بتاعك كود المشاريع يعني - بروفايل عنك كلمتين في اللذيذ - بعد كدا تعليمك - مهاراتك - كورساتك - مشاريعك بالتفصيل ✅
٢- تعمل واجهة ليك (portfolio ) علي مواقع العمل الحر ✅
٣- تعمل مشاريع باللغات اللي اتعلمتها مشاريع محترمة ✅
نيجي بقي اكسب ازاي ومنين ؟
١- الطريقة الاولي
شغل في شركات full time ودي عن طريق
انك بتدخل علي مواقع زي
LinkedIn- indeed- wuzzaf
وتقدم ب ال CV اللي عملناه في الشركات اللي منزلة وظايف ✅
٢- الطريقة التانية
لتزويد المكسب وهي انك تحاول تشتغل مع شركة تانية part time ودي مش عايزينها كمبتدأ ✅
٣- الطريقة التالتة
وهي انك تستخدم مشاريعك ك واجهة ليك علي مواقع العمل الحر امثلة
موقع خمسات - مستقل - الحريفة - upwork - freelancer
وغيرهم كتير جدا ✅
٤- الطريقة الرابعة
وهي صعبة جدا عمل تصاميم ورفعها علي موقع themeforest و ده هيفيدك ان لو الموقع بتاعك اتقبل هيفرق معاك كتير في ال CV والشغل الحر ✅
٥- الطريقة الخامسة
وهي تسجيل الكورسات ورفعها علي مواقع زي يوديمي وكورسيرا وتكسب عن طريق بيعها ✅
٧- الطريقة السادسة
وهي انك معتمدة علي انك تكون مقدم محتوي ، وهنا تحتاج الي الموهبة اكثر من المجهود ✅
٨- الطريقة السابعة
وهي انك تكون صاحب موقع ومن خلالها تكون صاحب شركة وهي انك تقدم خدمة للناس وعن طريق الاعلانات وعدد المستخدمين مع الوقت والشهرة اكيد هيجيلك معلنين ✅
٨- الطريقة الثامنة
وهي انك ترفع الموقع بتاعك علي جوجل ادسنس وتحط اعلانات في موقعك وبتتحاسب حسب عدد المشاهدات وزيارة الموقع ✅
٩- الطريقة التاسعة
وهي المكسب عن طريق المسابقات اللي بتعملها الدول لحل مسائل برمجية ✅
انا عايز اقولك ان الموضوع مش سهل بس ممتع في التحدي ، اغلب المبرمجين مش بيعملوا حاجة واحدة من دول بيعملوا اكتر من حاجة مع بعض عشان كدا دائما مرتباتهم مضاعفة لاي وظيفة ✅
اعمل Save وكومنت باللي محتاجه ✅
ولا تنسي انه ما عليك الا السعي ♥️
ليست هناك تعليقات:
إرسال تعليق